គេហទំព័រ Taiwan Economic Times បានរាយការណ៍ថា ក្រុមហ៊ុន 2 ក្នុងប្រទេស តៃវ៉ាន់ ដែលទទួលបានកិច្ចសន្យាជួលឲ្យផលិតថ្មសំរាប់ប្រើប្រាស់លើឧបករណ៍ iPad 3 បានទៅលើក្រុមហ៊ុន Simplo Technology Co., និង DynaPack International Technology Corp.។ ថ្មប្រភេទថ្មីនេះ នឹងមានលក្ខណៈស្តង់ដាតាមមាត្រដ្ឋាន CTIA IEF 1625 ទាំងផ្នែកគុណភាព និងសុវត្ថិភាពដោយក្រុមហ៊ុនទាំង 2 ខាងលើនេះ ឆ្លងកាត់ការសាកល្បងបានសំរេច។ ថ្មប្រភេទថ្មី ដែលក្រុមហ៊ុនទាំង 2 ផលិត នឹងចាប់ផ្តើមបញ្ជូនឲ្យរោងចក្រផ្គុំឧបករណ៍តាំងពីត្រីមាសទី 4 ក្នុងឆ្នាំនេះតទៅ ដែលនឹងធ្វើឲ្យឧបករណ៍ iPad 3 ឈានចូលទៅដល់គំរោងផលិតជាច្រើន ដើម្បីឲ្យទាន់ដាក់លក់ក្នុងត្រីមាសដំបូងក្នុងឆ្នាំ 2012 ខាងមុខនេះ។ ថ្វីត្បិតមិនទាន់មានទិន្នន័យផ្សេងៗ លេចចេញមកពីក្រុមហ៊ុន Apple ក៏ដោយតែគុណសម្បតិ្ត ដែលត្រូវបានបង្ហើបឡើងទាំងអស់នេះ ហាក់ដូចជាមានភាពច្បាស់លាស់គួរសម។ សរុបជារួមទៅ ឧបករណ៍ iPad 3 នឹងមានគុណសម្បតិ្តលេចធ្លោជាងឧបករណ៍ iPad 2 ចំនួន 2 ចំណុចគឺៈ អេក្រង់ Retina Display រួមជាមួយថ្មទំងន់ស្រាល និងប្រើប្រាស់បានរយៈពេលយូរជាងមុន៕ ប្រភពព័ត៌មានៈ www.phonearena.com
No comments:
Post a Comment